Компанијата е основана во 2000 година во Битола, но денес веќе е широко распространета и препознатлива на територијата на целата држава. Главната дејност е трговија на големо со фармацевтски производи, а исто така располага со 121 аптека ширум Македонија. 

Како еден од најпознатите ланци на аптеки, Еуро – Фарм е застапник на над 20 партнери, односно светски познати брендови. 

Во 200 НАЈГОЛЕМИ И НАЈУСПЕШНИ прв пат се рангираше во 2007 година кога оствари огромен пораст на добивката пред оданочување од 3558,13% и со тоа влезе како 83та најуспешна компанија. Веќе од 2010 година е дел и од 200те најголеми фирми според остварените вкупни приходи. 

Низ годините Еуро – Фарм бележи постојан пораст на вкупните приходи, што може да се забележи и од графикот прикажан во овој текст каде што исто така е видлив и стабилен тренд на пораст. 

Што се однесува до добивката пред оданочување, тука исто така може да се забележи растечки тренд и покрај регистрираните намалувања на добивката во неколку години од анализираниот период. 

Компанијата во 2007 година имаше само 15 вработени, но со континуираниот развој и пораст на бизнисот како и зголемување на своето присуство на пазарот, се појави зголемена потреба од вработени па така денеска во Еуро – Фарм се вработени 90 лица. Повеќе податоци и информации за Еуро - Фарм може да најдете на овој линк.