Универзал Комерц, најуспешната компанија во трговија со хемиски производи за 2022

Универзал Комерц, компанија специјализирана за увоз и трговија со хемиски производи, бои и лакови, на пазарот во Македонија постои од 1990 година, а исто така е дел и од 200те најуспешни компании.

За прв пат компанијата се рангира како 193та најуспешна компанија во 2003 година, односно од првата година на издавање на оваа едиција. Добивката која Универзал Комерц ја оствари во 2003 година изнесуваше 13,6 милиони денари, а во тоа време компанијата броеше 18 вработени.

Низ годините, иновативното работење и се поголемата специјализација во оваа дејност, му донесоа многу успех на Универзал Комерц па така компанијата бележи растечки тренд на остварените приходи и добивката пред оданочување.

Во последните неколку години компанијата има голем пораст во поглед на добивката пред оданочување. 2020 беше одбележана со пораст од 110,11%,а добивката изнесуваше 64,4 милиони денари. Во 2021 година, добивката се зголеми на 80,2 милиони денари, односно за 24,6%. Додека во 2022 година Универзал има остварено добивка од 123,9 милиони денари, што воедно е и највисоката добивка која можеме да ја забележиме во анализираниот период. Во проценти, порастот изнесуваше 54,5%. Оваа добивка ја рангираше компанијата на 148то место на листата на најуспешни компании, а воедно ја постави и како најуспешна компанија од оваа дејност за 2022 година.

Бројот на вработени во Универзал Комерц во 2022 година изнесуваше 33 лица. Повеќе за нив може да прочитате на нивниот профил, додека податоците за компаниите се достапни тука.