Соработката со Агенцијата за јавно правни евиденции и услуги АЈПЕС од Словенија ни овозможува да имаме увид во најголемите и најуспешните компании од оваа земја. 

Првото место на листата на најуспешни за 2022 и припадна на фармацевтската компанија Крка ДД, со остварена добивка од 358,4 милиони евра. Второ место е компанијата за изградба на патишта и автопати Дружба за автоцесте со значително помала добивка од првата компанија, во износ од 192,9 милиони евра. На трето место е уште една фармацевтска компанија Лек ДД, а нејзината добивка изнесувала 168,9 милиони евра. Четврта на листата, со добивка од 81,7 милиони евра е транспортната компанија Лука Копер ДД, а по неа следат две компании од металопреработувачката индустрија, Цинкарна ДД и Импол ДОО. Нивните добивки изнесувале 51,2 милиони евра и 49,8 милиони евра. 

Со добивка од 39,1 милион евра следи Фотона ДОО, компанија за производство на оптоелектронски уреди, рангирана како седма компанија на листата на најуспешни. Осмо место го зазема Белектрон ДОО со добивка од 33,9 милиони евра, а деветото место и припадна на, кај нас добро познатата, Ген-И Трговија и Продажба на Електрична Енергија со 33,6 милиони евра добивка. Хидриа ДОО е десетта компанија со добивка од 32,9 милиони евра, а се занимава со произвоство на електрични мотори, генератори и трансформатори. 

Најзастапена дејност меѓу 50те најуспешни компании во Словенија е производната дејност, со дури 17 компании кои се дел од оваа листа, а кои заедно оствариле вкупна добивка пред оданочување од 387,1 милиони евра. 

Повеќе за компаниите од Словенија може да видите во табелата прикажана подолу, додека целокупните податоци за 200те најголеми и најуспешни се на следниот линк.