Брако ДОО, потпис за успех

БРАКО ДОО, Велес се наоѓа 18 години на листата на 200 НАЈГОЛЕМИ И НАЈУСПЕШНИ компании во Македонија. 

Можеме да забележиме дека компанијата забележува значителни позитивни резултати во изминативе години па така и во 2021 година. Имено, приметуваме раст во вкупниот приход од 45,35% и зголемување на нивната добивка пред оданочување од  значителни 322,90%.  Исто така е вредно да се посочи дека БРАКО придонесува и за намалување на невработеноста во државата  па така го имаат зголемено и бројот на вработени од 469 на 505 во споредба со 2020.

Со достигнувањето на производството од 1400 тона на жичани производи месечно, на почетокот од 2005 година, компанијата БРАКО, се наметна како сериозен лидер во производството на жичани производи во државата, и во регионот.

Иако производите на БРАКО прераснаа во препознатлив бренд , по својот квалитет и широк асортиман на производи, со визија за успех и развој како и имплементирање на новите современи трендови во оваа област, БРАКО постојано го подобрува досегашното производство во смисла на инвестирање во нови современи технологии од оваа област, иновирање на постоечкиот начин на менаџирање со компанијата, како и проширување на постојниот асортиман на производи, од сите сфери на работењето на компанијата.

Покрај постојното производство на жичани производи, како и досегашната производствена палета на медицински мебел и товарни приколки, компанијата БРАКО воведе нова производствена програма на транспортни ленти. Сакајќи компанијата да се развива во повеќе области од потребите на општеството БРАКО отвори и своја бензинска пумпа “БРАКО ПЕТРОЛ”, која што даде една нова димензија на работењето во оваа област.