Таа е дел од мрежа од лиценцирани компании кои се вклучени во трговијата со електрична енергија на големо и активно придонесува за конкурентна електрична снабденост во цела Европа. Групацијата е присутна во 17 земји и на 14 различни берзи, што на трговците со електрична енергија им дава голема флексибилност за пренос на енергија на пазарите каде што е најпотребно.

Интеренерго исто така обезбедува услуги за управување и инфраструктура потребна за влегување на производителите на обновливи извори на електрична енергија на пазарите во вид на партнерство помеѓу производителите и трговците со енергија. Услугите на Интеренерго опфаќаат директен маркетинг, иновативни решенија за објекти, анализирање на пазарот на енергија, поддршка во исполнување на законски барања и така натаму. 

Инвестициите во производството на електрична енергија од обновливи извори не се само дел од тековните трендови, туку се во сржта на одржливата политика на групацијата. Па така, сите објекти на Интеренерго се опремени со најсовремена технологија со цел ефикасно и еколошки прифатливо производство на електрична енергија.

Според финансиските податоци од последните пет години, според кои Интеренерго Македонија  е дел од 200 НАЈГОЛЕМИ И НАЈУСПЕШНИ, гледаме дека компанијата постигна значаен раст на вкупниот приход и добивката пред оданочување. Во периодот од 2018 до 2022 година, вкупниот приход се зголеми за 272%, а добивката за 45,864%, што само го потврдува  успешниот напредок и нивното влијание на пазарот на електричната енергија. Во исто време, нивната ангажираност за одржлива енергија и усогласеноста со регулаторните барања ги прави предводници во индустријата.

Повеќе податоци за Интеренерго Македонија може да најдете тука.