Кине и Нагел со раст на вкупните приходи од 64,75% во 2022

Kuehne+Nagel е германска компанија која денес е сместена во Швајцарија, меѓутоа има свои претставништва насекаде низ светот. Во Македонија е основана во 1996 и успешно работи и опстојува веќе 27 години. Главна дејност на Kuehne+Nagel се транспортните и логистичките услуги. 

Во 2008 година Kuehne+Nagel за прв пат се рангира во 200 НАЈГОЛЕМИ И НАЈУСПЕШНИ и тоа на 162ро место на листата на најуспешни компании според остварена добивка пред оданочување. Во овој период компанијата броела 16 вработени. 

Неколку години подоцна, во 2013 година, компанијата се појавува на двете листи рангирана на 191вото место на листата на најголеми и 153то место на листата на најуспешни. Од 2014 година забележуваме дека и покрај зголемувањето на добивката пред оданочување, компанијата е рангирана на листата на најголеми компании со напредок низ ранговите на оваа листа.

Во минатата година Kuehne+Nagel има остварено вкупни приходи од 1,7 милијарди денари и добивка пред оданочување од 51,1 милиони денари. Со овие резултати и раст на вкупните приходи од дури 64,75% во споредба со 2021 година, се рангира на 169то место на листата на најголеми компании. 

Во однос на бројот на вработени лица во Kuehne+Nagel, видлив е постојан пораст на бројката, па така 16те вработени од 2008 година, се речиси дуплирани на 31 вработен заклучно со 31.12.2022 година. Бројот на вработени се однесува на податокот за просечен број на вработени во компанијата за соодветната година. 

Повеќе податоци за Kuehne+Nagel може да најдете на нивниот профил, а податоците и анализите видете ги тука.