ПИ СВИСЛИОН ДОО, Скопје повторно се наоѓа на листата на 200 НАЈГОЛЕМИ И НАЈУСПЕШНИ компании во Македонија. Свој ранг помеѓу 200те најголеми и најуспешни компании имаат земено секоја година, уште од првото издание на едицијата од 2003та година.

За 2022 успеаа да го заземат 127то место на листата на најголеми компании (рангирани според вкупниот приход). Имаат остварено приход од 2.199.639.098 денари што преставува раст од 6.71% во споредба со минатата година.

Во 1998 година, ПИ СВИССЛИОН ДОО Скопје започнува со работа, прво како генерален дистрибутер, а потоа и со производствен погон како “Green field” инвестиција.

Во 2001 година, со единствена цел за постигнување на максимална продуктивност и ефективност во работата, компанијата се дели на СВИССЛИОН ДОО Скопје, со основна дејност производство на кондиторски производи и СВИССЛИОН Мак ДОО Скопје, со основна дејност продажба на големо и мало и дистрибуција на целиот асортиман на групацијата SWISSLION.

Од аспект на стандардите за безбедност на храна, SWISSLION секогаш бил чекор понапред. Уште во 2005 година, го доби HACCP сертификатот, а веќе наредната година беше првата компанија во Македонија којашто го доби интернационалниот сертификат за безбедност на храна ISO 22000:2005.

Освен производство и големопродажба, нивната следна цел е развој на малопродажбата и отворање на нови Слатки Куќи.

Слатките Куќи се ланец на малопродажни објекти и секоја од нив претставува мало царство во кое можат да се најдат сите производи со врвен квалитет од целиот асортиман на СВИССЛИОН, по конкурентни цени.