Компанијата заклучно со 2022 година се најде 10 години во низа на листите на 200 Најголеми и Најуспешни компании во Македонија. За 2022 година успеаа да остварат вкупен приход од 871.587.479 денари и вкупна добивка пред оданочување од 147.896.021 денари. 

Вардар Доломит се наоѓа во стратешка предност во однос на неколкуте други производители на доломит во светот. Со производен капацитет од над 60.000 тони годишно, Вардар Доломит е горд што ги снабдува своите потрошувачи со доломитни огноотпорни материјали од највисок квалитет, добиени по највисоки стандарди.

Процесот на производство во Вардар Доломит започнува со синтерување на Суров Доломит. Синтерувањето се врши во две Шахтни Печки на температура од 2000 0С. Формирањето на опеките се врши со помош на Хидраулични Преси од познати производители кои го обезбедуваат потребниот притисок за постигнување на  максимална густина на производот. Производите на Вардар Доломит се наменети за работни обоги на металуршки агрегати во црната и обоената металургија.

Од производи во компанијата се произведуваат синтер доломитни опеки и синтер доломитни маси. 

Вардар Доломит исто така поседува А интегрирана еколошка дозвола и има воспоставено високи критериуми во своето работење преку имплементирање на системот за управување со квалитет ISO 9001, енергетска ефикасност ISO 50001 и стандардот за управување со животна средина ISO 14001.