10те најголеми извозници за 2022 година

Во табеларниот приказ подолу ги прикажуваме 10те најголеми извозници кои се истакнаа минатата година. 

Првото место и на оваа листа го завзема ЦОНСОН МЕТИ ДООЕЛ, најголемата странска директна инвестиција во земјата со извоз од 150,8 милијарди денари. Со значителна разлика, втора на листата е ОКТА АД која има остварено приходи од извоз од 15,3 милијарди денари. Веднаш по неа е уште една странска директна инвестиција, Кромберг и Шуберт Македонија Бт ДООЕЛ од Битола со извоз од 15,1 милијарда денари. 

Следат ГЕН-И ПРОДАЖБА НА ЕНЕРГИЈА со 12,8 милијарди денари, МАКСТИЛ со 10 милијарди денари и ЕУРОНИКЕЛ ИНДУСТРИ од Кавадарци со 9,7 милијарди денари приход остварен од продажба во странство. 

Последните неколку позиции од овие 10 компании кои оствариле најголеми приходи од извоз ги заземаат АМФЕНОЛ ТЕХНОЛОЏИ од Кочани со 9 милијарди денари. ИГМ – ТРЕЈД од Кавадарци има остварен извоз од 8,3 милијарди денари приход, а воедно е и втора најуспешна компанија на оваа листа и прва домашна компанија која влегува помеѓу најголемите извозници. 

ТЕРНА ЕНЕРЏИ ТРЕЈДИНГ ДООЕЛ се најде на претпоследното место со 7,9 милијарди и последна компанија е ВАН ХООЛ МАКЕДОНИЈА од Илинден со 7,6 милијарди денари остварен приход од продажбите во странство. 

Целосната листа за најголемите извозници може да ја најдете во најновото издание на едицијата 200 НАЈГОЛЕМИ И НАЈУСПЕШНИ.