Оваа година, со гордост го издадовме јубилејното 20то издание од оваа едиција која е единствена по својата содржина и опфатот на информации и податоци. 

Првото издание од 200 НАЈГОЛЕМИ И НАЈУСПЕШНИ излезе во 2004 година и во него беа опфатени резултатите на најголемите и најуспешните компании за 2003 година според вкупен приход и добивка пред оданочување. Со голема поддршка од Министерството за економија и Централниот Регистар на РСМ, кој е изворот на овие податоци и информации, Еуро Бизнис Центар Скопје ДООЕЛ, веќе 20 години успешно ги презентира компаниите кои неуморно работат и придонесуваат кон подобри услови за живот.

Неколку години подоцна, од 2011 година едицијата ги вклучува и банките и осигурителните компании како важен дел од економските текови, рангирајќи ги според добивката пред оданочување, капитал и резерви и бруто полисирана премија, соодветно.

Изготвивме краток табеларен и графички приказ за движењето на вкупниот приход на 200те најголеми компании низ годините, кој може да го видите на крајот од овој текст. 

Од графикот забележуваме дека, како што е и очекувано, вкупниот приход се зголемува од година во година, со исклучок на благите падови во 2009 и 2019 година. Сепак, трендот на оваа ставка продолжува да оди по нагорна линија, достигнувајќи значително зголемување во 2022 година.

Едицијата 200 НАЈГОЛЕМИ И НАЈУСПЕШНИ изобилува со податоци за компаниите, кои може да ги најдете на овој линк, додека пак новостите и анализите за компаниите може да ги прочитате тука.