Среда, 21 Февруари 2024
Дома Клуб 200 Новости Анализи За Нас Контакт

Новости

50те НАЈГОЛЕМИ компании во Хрватска за 2022

Години наназад, 200 НАЈГОЛЕМИ И НАЈУСПЕШНИ, покрај економската состојба во Македонија, прикажува и дел од состојбите во соседните држави.

Во едицијата може да се најдат споредбени табели за најголемите и најуспешните компании и за Хрватска и Словенија. Претставени се 50те најдобри компании според вкупен приход и според добивка пред оданочување, согласно официјални податоци превземени од тамошните служби. 

Хрватска економија е поразвиена од нашата, па така и очекувани се подобрите перформанси на компаниите, кои може да се видат во табеларниот приказ на 50те најголеми според вкупен приход, кој е прикажан во продолжение на текстот. 

Како најголема компанија се јавува компанијата од полето на работа со рафинирани нафтени производи, ИНА ДД од Загреб, која во 2022 година има остварен вкупен приход од 4,7 милијарди евра. За споредба, ова е речиси двојно поголем приход од прворангираната компанија во Македонија. 

Втора на листата е Прво Плинарско Друштво, лоцирана во Вуковар, со остварен приход од 4,4 милијарди евра. Ова е компанија за дистрибуција на гасовити горива. 

Потоа следи компанија од областа на електрична енергија, Хрватска Електропривреда, со приход од 2,5 милијарди евра, па понатаму е МВМ ЕНЕРЏИ со 1,7 милијарди денари, а на 5тото место е Конзум ПЛУС, чија дејност е трговија на мало со храна и пијалаци, во неспецијализирани продавници. Оваа компанија остварила 1,6 милијарди евра. 

Вкупниот остварен приход од страна на овие 50 компании во 2022 година изнесува 37,4 милијарди евра, а најнискиот износ е 251 милион евра кој го реализирала компанијата за производство на електрична опрема Кончар Дистрибутивни и Специјални Трансформатори од Загреб. 

Најзастапена дејност во рамки на оваа анализа е Трговијата на мало во неспецијализирани продавници, претежно со храна, пијалоци и тутунски производи, во која делуваат 5 компании кои оствариле приход од 3,2 милијарди евра вкупно. 


Повеќе за податоците на компаниите од 200 НАЈГОЛЕМИ И НАЈУСПЕШНИ прочитајте на овој линк.


Универзал Комерц, најуспешната компанија во трговија со хемиски производи за 2022

Универзал Комерц, компанија специјализирана за увоз и трговија со хемиски производи, бои и лакови, на пазарот во Македонија постои од 1990 година, а исто така е дел и од 200те најуспешни компании.

Традицијата продолжува: најголемите и најуспешните винарии во Македонија во 2022

Традиционално, во чест на денот на виниото, и оваа година ги претставуваме винариите кои се пласираа меѓу 200те најголеми и најуспешни компании во 2022 година.

Вековна винска традиција од македонското поднебје – ВВ Тиквеш

Долги 139 години Тиквеш ги произведува врвните вина од најдоброто грозје од тиквешијата кои се познати низ целиот свет.
Годишно издание

Публикацијата „200 Најголеми и Најуспешни“ е многу корисен извор на информации којшто на секој инвеститор му дава прецизна слика за финансиското и деловното работење на 200-те најголеми и најуспешни компании во Република Македонија.

Пазарот на хартии од вредност во основа го придвижуваат информации и во интерес на Берзата во најширока смисла е што поголем број на податоци за работењето на друштвата да бидат достапни на јавноста за да може да се носат правилни и издржани инвестициски одлуки.

МАКЕДОНСКА БЕРЗА АД, Скопје

Учесници
Соработници

Користиме колачиња (cookies) за да Ви овозможиме најдобро искуство на нашиот сајт