На македонскиот пазар е активна од 2015 година, а оттогаш е дел и од 200те најголеми компании. Со остварен вкупен приход од 7.6 милијарди денари во 2015 година, А1 Македонија се рангираше како 8ма најголема компанија во Македонија. 

Во следните две години компанијата имаше благ пад на вкупните приходи но сепак ја задржа високата позиција на листата на најголеми како 9та во 2016 и 13та во 2017 година. Веќе од 2018 А1 влегува и на двете листи и тоа како 15та најголема со остварен вкупен приход од 7.8 милијарди денари и 16та најуспешна со 783.1 милиони денари остварена добивка пред оданочување. 

Од 2018 па наваму А1 доживува постојан пораст и 2022рата година ја завршува со 9.3 милијарди денари остварени како вкупни приходи. Според добивката пред оданочување, е рангирана на 20то место на најуспешни компании со остварена добивка од 983.3 милиони денари. 

Во првата година од оваа анализа, компанијата броела 651 вработен, но таа бројка сега веќе е зголемена на 767 вработени лица на крајот на 2022 година. 

Повеќе податоци за компанијата можете да најдете на нејзиниот профил, додека останатите податоци од 200 НАЈГОЛЕМИ И НАЈУСПЕШНИ се достапни овде.