Градежен бренд кој годинава одбележи 20 години од своето постоење под мотото “Само делата се вистина”. Адора Инженеринг со неуморна и посветена работа и најсовремени градежни решенија веќе долги години обезбедува сигурно, квалитетно и економично домување за илјадници жители во над 3000 домови со вкупна изградена површина од 400 000 квадратни метри. 

Својата умешност во бизнисот Адора ја истакнува во различни бизнис сфери и ја зголемува присутноста во неколку сектори во последните години. Па така, компанијата е присутна и во финансиско-банкарскиот сектор со значително учество во капиталот на Комерцијална Банка АД Скопје, акционерски удели во други банки, во фармацевтската индустрија и енергетската дејност во Македонија, а од неодамна и на пазарот на недвижности во Србија и Грција.

Адора Инженеринг под лидерството на големиот филантроп проф. Др. Ванчо Чифлиганец, а преку истоимената фондација, низ годините има вложено значајни средства за поддршка и развој на нашата заедница, образованието и спортот.

2021 година се покажа како мошне успешна година за Адора Инженеринг со остварена добивка од 176 милиони денари, рангирајќи ја компанијата на 77 место на листата на најуспешни компании, односно 3та најуспешна меѓу градежните.