АДОРА ИНЖЕНЕРИНГДООЕЛ, како и очекувано, повторно се најде на листата на 200 Најуспешни компании во Македонија. За 2022 година успеаа да го заземат 37то место на листата на најуспешни, рангирани според вкупната добивка пред оданочување. Вредно е да напоменеме дека забележија скок од дури 41 места во споредба со годината пред неа. Заклучно со тоа ја зголемија и својата добивка за 144,90%.

Со потписот на Адора се 40 изградени репрезентативни станбено-деловни објекти во Македонија, Србија и Грција, со вкупна површина од 400.000 m², во кои се инвестирани над 415 милиони евра. Над 3000-те домови во „Адориниот град“ се дело на над 500 вработени, во кои среќно живеат и работат 13.000 граѓани.

Како најнов проект кој е пуштен во употреба во 2023 година може да се спомене комплексот на Златибор, автентичниот апарт хотел 21^st Century Zlatibor Residence, Spa & Wellness by Adora. Тој воедно претставува и нивни прв пионерски проект во Србија.

Покрај примарната дејност во градежниот сектор – висока градба, со проектирање, инвестирање, изградба и продажба на недвижности во Македонија и меѓународни рамки, истражувајќи други полиња за бизнис иницијативи, Адора изврши деловна диверзификација и во други економски и географски сфери, како што се: банкарско-финансиски сектор, акционерска сопственост во реномирани компании во Македонија и на интернационалните пазари, фармацевтска индустрија, енергетски сектор.