Вистинскиот успех на една компанија не се мери само според нејзините приходи и добивка, туку и според влијанието што го има врз заедницата. Токму затоа Алма-М се издвојува како една од најдобри македонски компании, која континуирано инвестира и во општествената одговорност, развојот на човечкиот капитал и етичкото делување.

Водечка дистрибутивна мрежа со глобални партнери

Алма-М успешно соработува со светски познати брендови како што се Mars, Nestlé, Fererro, Zott, Mogi, Smoking, Froneri, Höhé и Pomurske mlekare. Овие партнерства не се случајни – тие се резултат на долгорочна доверба, стабилна логистика и висок квалитет на работење. Со тоа, Алма-М се етаблира како најуспешна дистрибутивна компанија во Македонија која обезбедува меѓународни стандарди на домашниот пазар.

Луѓето се срцето на компанијата

Во Алма-М работат над 1.072 вработени, бројка која континуирано расте. Компанијата инвестира во обука, развој и едукација – следејќи ги најновите трендови, особено во управувањето и продажбата. Целта е да се создаде средина каде што секој вработен се чувствува вреднуван и мотивиран да придонесе.

Социјална одговорност со конкретно влијание

Во последните три години, Алма-М има инвестирано над 392.000 евра во општествено корисни иницијативи – од поддршка на образованието, преку хуманитарни проекти, до зајакнување на здравството и културата. Овие активности ја позиционираат компанијата како вистински општествено одговорен лидер кој се грижи за иднината на заедницата.

„Секој производ и секоја активност во Алма-М имаат цел – да придонесат за подобар живот“, велат од компанијата.

Мисија и визија

Мисијата на Алма-М е да остане прва бизнис опција за своите клиенти и партнери преку континуирано прифаќање на промените и трансформацијата на деловната средина. Визијата – да биде најголема и најдобра компанија за дистрибуција, продажба и логистика во Македонија – постојано се рефлектира во практични резултати.

Дел од „200 НАЈГОЛЕМИ И НАЈУСПЕШНИ“

Вклучувањето на Алма-М во нашето издание 200 НАЈГОЛЕМИ И НАЈУСПЕШНИ компании во Македонија е признание за нејзиното стратешко размислување, корпоративна одговорност и стабилен раст. Компанијата е пример за тоа како една приватна македонска компанија може да изгради интернационална репутација и да биде пример за останатите.