Диверзифицирана компанија со висока репутација - Актива ДОО

Со вкупен приход од 2,3 милијарди денари и добивка пред оданочување од 133 милиони денари, Актива ДОО ја заврши 2022 година и се рангираше како 121ва најголема и 133 најуспешна компанија.

Компанијата е основана во 1999 година во Штип, а нејзиното портфолио вклучува диверзифицирани активности во полето на градежништво, услуги за проектирање и производство на челични конструкции и производство на метални компоненти за автомобилска индустрија, железница и друга индустриска опрема.

Стручниот тим на Актива, од областа на проектирање, изготвува комплетни проектни документации и решенија кои се во согласност со барањата на клиентите и со стандардите, нормативните и позитивните прописи за проектирање и архитектонско обликување на зградите. Речиси сите фази од процесот на проектирање се изготвени од тимот на Актива, а многу мал дел во соработка со надворешни соработници од други компании. Потоа, тука е и опременоста на компанијата со сопствена опрема и машини за ископ и работа со земја.

Актива располага и со сопствени производствени капацитети за изработка и монтажа на челични конструкции како и со најсовремена опрема за заварување и обработка на метал. Потребите на работењето на Актива доведоа до изградба и на нов, модерен погон за производство и обработка на челик во 2018 година, каде што се пресели и компанијата. Овој нов погон има капацитет од над 1000 тони месечно.

Една понова гранка во работењето на Актива е Актива Аутомотив која почнува со работа во 2014 година а е насочена кон производство на компоненти за автомобилската индустријa, а опфатени се и услуги за дизајн и обложување. Некои од услугите кои ги нуди Актива Аутомотив се: ласерско сечење, виткање, заварување, пескарење и рачно пескарење, премачкување итн.