Компанијата претставува докажан бренд и општествено одговорна компанија која постојано инвестира во својот развој и активно придонесува за подобрување на квалитетот на живеење на граѓаните. Станува збор за компанија која во своето работење ги практикува најсовремените светски стандарди во својата област на делување и применува најсовремена технологија. 

Државна Лотарија исто така е членка на Европската асоцијација на лотарии, а тоа и овозможува редовна размена на искуства со лотариите од Европа и директно го подобрува работењето на компанијата.

Низ годините компанијата бележи континуиран раст и развој, што може да се забележи и од податоците со кои располага 200 НАЈГОЛЕМИ И НАЈУСПЕШНИ.

Државна Лотарија е една од државните компании која е рангирана во 200те најуспешни компании, а за прв пат влегува во листите во 2017 година и тоа на високото 96 место со добивка од 117 милиони денари. Веќе во наредните години успехот е се позабележителен, па така Државна Лотарија е веќе рангирана како 31ва најуспешна компанија во Македонија за 2021 година со добивка пред оданочување од над 365 милиони денари. 

Во 200 НАЈГОЛЕМИ И НАЈУСПЕШНИ се опфатени многу податоци и информации за компаниите кои се достапни за читателите на профилите на компаниите.