ИГМ Трејд - најголем домашен извозник во приватна сопственост за 2022

Една од најголемите, најуспешните компании која исто така е и една од најголемите извозници во земјава е ИГМ Трејд од Кавадарци.

ИГМ Трејд е еден од најголемите производители на заварени цевки и челични профили во Југоисточна Европа со годишен капацитет од 300.000 тони, а фабриката се простира на површина од 500.000 м2 и затворен простор од 280.000 м2.

Големите успеси на компанијата доаѓаат и од нејзината извозна ориентираност. Имено, ИГМ Трејд 95% од своите производи ги пласира на пазарите на ЕУ и ЦЕФТА, па оттука е и фактот дека таа е дел и од листата на најголеми извозници во Македонија.

Освен со производство, еден дел од бизнисот се занимава и со преработка на челични котури во табли и траки со што компанијата продава разни челични производи, цевки и профили.

ИГМ во 200 НАЈГОЛЕМИ И НАЈУСПЕШНИ се појави на 3 листи како високо рангирана компанија. На листата на најголеми за 2022 е рангирана на 23тото место со вкупен приход од 9.8 милијарди денари. Со дури 85% од овој приход остварен од продажба во странство, ИГМ се рангираше како 8ма најголема извозна компанија, а добивката пред оданочување од 2 милијарди денари ја позиционираше како 5та најуспешна компанија во Македонија. Воедно, со оваа добивка, ИГМ го зазема првото место како најуспешна македонска компанија во приватна сопственост за 2022 година.

ИГМ Трејд е позната и по високиот степен на општествена одговорност и многубројните донации кои ги дава како поддршка во интерес на нашите граѓани, економијата и локалната управа. Една од поголемите донации од изминатиот период е во времето на Ковид кризата кога ИГМ Трејд донираше повеќе од 830.000 евра како пакет помош за државата и локалната власт.