ЈП Комунална Хигиена 20 години во 200 НАЈГОЛЕМИ И НАЈУСПЕШНИ

Комунална Хигиена, уште едно претпријатие во државна сопственост кое успешно работи и се рангира меѓу 200те најголеми и најуспешни компании.

Почетоците на компанијата датираат уште од почетокот на дваесетиот век односно од 1906 кога само неколку луѓе биле задолжени за метење на улиците. Со текот на времето соодветно со потребите, се менувале и зголемувале обврските, а подоцна е основана и компанија.

ЈП Комунална Хигиена е едно од најголемите претпријатија во комуналната дејност во Македонија и делува во урбаниот и руралниот дел на град Скопје. Секојдневните активности на компанијата вклучуваат превземање односно собирање на отпад и негов транспорт и одржување на хигиена на јавните и сообраќајните површини во градот.

Во 200 НАЈГОЛЕМИ И НАЈУСПЕШНИ Комунална Хигиена е присутна од самиот почеток на проектот во 2003 година а во 2021 година се рангира на 172ро место на листата на најголеми според вкупен приход од 1,314,385,592.00 денари. Заклучно со декември 2021 година, компанијата вработува 1398 лица, што е досега највисок број на вработени кој го забележуваме во изминатите 20 години.