Се работи за компанија која е посветена на квалитет и фокусирана на одржливост на својата позиција на пазарот, а во Македонија делува повеќе од 15 години.

Лукоил својата прва бензинска станица ја отвори во 2006 година, а денес мрежата на бензински станици е раширена низ цела Македонија со вкупно 37 локации. Модерните бензински станици освен што нудат високо квалитетно гориво на своите клиенти, исто така обезбедуваат и основни услуги како што е миење на коли, бежичен интернет и широка палета на производи како дел од маркет.

Покрај бизнис операциите, Лукоил активно придонесува кон локалната заедница преку спонзорирање на едукативни програми, спортски настани и културни активности. Еден од најзначајните начини преку кои Лукоил влијае на квалитетот на живеење е преку имплементирање на разни иницијативи за поголема енергетска ефикасност, намалување на сопственото влијание врз јаглеродната загаденост и подржување на проекти од општествено значење.

Лукоил Македонија важи и за една од најголемите и најуспешните компании во Македонија, рангирана на 24то место според вкупен приход и на 44то место според добивка пред оданочување во 2022 година, а вработува над 480 лица. Со своето посветено работење Лукоил е дел од 200те најголеми и најуспешни компании уште од својот почеток во 2006 година.