М Кеш Македонија дел од 200 НАЈГОЛЕМИ И НАЈУСПЕШНИ во 2022

М Кеш на македонскиот пазар се појавува во 2015 година како прво онлајн финансиско друштво во нашата држава кое нуди брзи кредити. Компанијата е дел од холдингот Management Financial Group (MFG), кој ги обединува водечките даватели на небанкарски финансиски услуги во Централна и Источна Европа. 

Холдингот MFG има богато портфолио од областа на потрошувачки кредити, кредити за микро и мали бизниси, кредитни картички, дигитален бизнис и други алтернативни производи и услуги, а своите производи ги нуди на повеќе од 450 канцеларии низ 5 европски земји и со повеќе од 8300 вработени.

Во Македонија М Кеш денес располага со 49 канцеларии низ целата територија на државата и има повеќе од 115 вработени. 

Во седумте години од своето постоење, М Кеш со своето транспарентно и одговорно работење успешно делува и со тоа станува дел од 200 НАЈГОЛЕМИ И НАЈУСПЕШНИ како 156 најуспешна компанија според добивката пред оданочување во 2022 година. Во однос на претходната година добивката пред оданочување од 115.595.528 денари покажува значителен пораст од 45,97%, додека вкупниот приход во 2022 година изнесува 437.334.814 денари. Тука може да се забележи ефективното работење на менаџментот со дури 26,43% добивка во однос на остварените приходи.