Компанијата е основана во 1972 година како претставништво во Скопје, а подоцна во 1991 година е целосно приватизирана и тоа меѓу првите компании кои во тоа време беа приватизирани во Македонија. 

За Пекабеско секоја година е посебна успешна приказна со многубројни иновации и инвестиции за потребите на зголемениот обем на работа. Уште од 2003 година, кога за прв пат беа рангирани компаниите во Македонија според вкупен приход и добивка пред оданочување, Пекабеско влезе на листата на најголемите рангирана како 56та компанија со вкупен приход од 894 милиони денари и оттогаш полека, но сигурно се искачува по патот на успехот. Од следната година е веќе дел и од најуспешните компании на 191 место со добивка пред оданочување од 14 милиони денари.

Во текот на овие 20 години, забележуваме позитивен, растечки тренд и тоа по двата критериуми, односно не само според добивката и приходот туку и според бројот на вработени лица во Пекабеско АД. 

2022 година компанијата ја заврши исто така мошне успешно со зголемување на приходите на 5,4 милијарди денари, односно за 10, 35% и добивката пред оданочување на 114,7 милиони денари, односно за 30,47% во однос на 2021 година.

Бројот на вработените, кој во 2003 година беше 154 лица, во 2022 година е зголемен на 459 лица, што претставува речиси 200% зголемување на работната сила на Пекабеско. 

Повеќе податоци од 20те години на Пекабеско во 200 НАЈГОЛЕМИ И НАЈУСПЕШНИ, може да најдете на нивниот профил и на следниов линк.