Преработувачката индустрија повторно најуспешна дејност во 200 НАЈГОЛЕМИ И НАЈУСПЕШНИ
Компаниите од преработувачката индустрија и нејзините подгрупи, и во 2022 ја поставија оваа дејност како најуспешна, со најголема вкупно остварена добивка.
Сортирањето на компаниите според дејности во 200 НАЈГОЛЕМИ И НАЈУСПЕШНИ е согласно Националната класификација на дејности која е донесена од Државниот завод за статистика.
Според добиените податоци од ЦРСМ за финансиските резултати на компаниите во 2022 година, компаниите кои се дел од преработувачката индустрија, заедно оствариле најголема добивка пред оданочување во однос на другите индустрии.
Како што ни покажува табеларниот приказ, според дејностите на компаниите во 200 НАЈГОЛЕМИ И НАЈУСПЕШНИ, во рамки на оваа дејност има компании од дури 17 подгрупи. Убедливо најуспешна е онаа за Производство на моторни возила, приколки и полуприколки со вкупна добивка пред оданочување од 7 милијарди денари. Тука несомнено голема улога имаат странските директни инвестиции кои во изминатите години се појавија на нашиот пазар, а голем дел од нив се насочени кон производство на делови и опрема за автомобилската индустрија.
Втора на листата е Производство на метали, со помалку од половина остварена добивка во однос на претходната, во износ од 3,5 милијарди денари. Во оваа група освен странски, има и домашни компании, како што е на пример ИГМ Трејд, која има остварено најголема добивка во рамките на групата.
Потоа следи Производство на други неметални минерални производи со 1,96 милијарди денари остварен профит, Производство на основни фармацевтски производи и препарати со 1,5 милијарди денари, Производство на пијалаци со 1,3 милијарди денари, Производство на производи од гума и производи од пластични маси со 847 милиони денари итн.
Последната група, односно дејност, е со остварена добивка од 92,9 милиони денари, а се работи за компании кои се занимаваат со Производство на облека.
Очекувано, компаниите од најуспешната дејност имаат и најголеми вработувања, со дури 18000 вработени лица, додека најмалку вработени има дејноста Производство на облека, односно 36 лица. Вкупно во преработувачката индустрија се опфатени 30,903 вработени.
Целосната листа ја прикажуваме во табеларниот приказ, додека сите податоци за компаниите може да ги најдете тука.
04-06-2026
Најголеми компании во Кавадарци (2025) - Секторска анализа на раст, профит и индустриска трансформација
Кавадарци во 2025 година останува еден од најсилните индустриски центри во Македонија, со анализа на водечките компании од металната индустрија, автомобилскиот сектор, винарството, енергетиката и градежништвото. Статијата ги прикажува клучните трендови во растот на приходите, добивката и индустриската ефикасност во споредба со 2024 година.
01-06-2026
Реплек: Десет години развој што отвори ново поглавје за македонската фармацевтска индустрија
Реплек одбележува деценија развој во производството на медицински канабис, со извоз во ЕУ, современи технологии и силна позиција во фармацевтската индустрија на Македонија.
01-06-2026
