Стентон Градба е основана во 2003 година како компанија која започна со производство на градежни материјали, а подоцна и со изведба на договорни проекти за приватни лица.

Во 2022 година повторно се најдоа на листата на 200 Најуспешни компании во Македонија. Успеаа да го заземат 178то место на листата, а воедно и ја зголемија својата добивка пред оданочување од 7,29% во споредба со минатата година. 

Исто така можеме да забележиме и значителен раст во бројот на вработени во фирмата. Имено за 2021 просечениот број на вработени изнесувал 132 додека пак во 2022 тоа бил 154 вработени. 

Како една од водечките компании во секторот на градежништвото постојат повеќе од осумнаесет години на пазарот, обезбедувајќи комплетен опсег на производи и услуги од областа на градежништвото.

Нивните услуги сочинуваат ископ и сепарација на камен агрегат во сите фракции, производство на бетон, проектирање, изградба и надзор на објекти од нискоградба, високоградба, хидроградба, мостови, патишта, транспорт на градежни материјали и други градежни работи.

Некои од нивните последни завршени проекти се Изградба на локални улици во с.Баниште Општина Дебар, Џепиште-Требиште, Реконструкција на ул. „Солунска“ во Битола.