Првата компанија, странската инвестиција Џонсон Мети ДООЕЛ која во Скопје ја отвори фабриката за производство на делови и дополнителен прибор за моторни возила е очекувано најголемиот извозник со дури 99% од своите приходи остварени од продажба на странскиот пазар. Понатаму, втора на листата на најголеми извозници е ОКТА АД чија дејност е трговија на големо со горива. Тука веќе улогата на извозот е значително помала и процентуално изнесува 25,5%. Инаку ОКТА АД е дел од една од најголемите групации во енергетскиот сектор – Helleniq Energy.

Во табелата може да се забележи дека најголем дел од овие компании се или странски директни инвестиции или компании чиј мнозински сопственик е странска компанија. Од тука и фактот дека најголем дел од нивните вкупни приходи се токму од продажби на странски пазар, особено кога станува збор за странските директни инвестиции. Уште една таква е Кромберг & Шуберт Македонија Бт ДООЕЛ лоцирана во Битола чиј извоз опфаќа дури 98,4% од вкупните приходи. Следи ГЕН-И Продажба на енергија со 62,7% приходи од продажба на странски пазар. Главна дејност на ГЕН-И е трговијата со електрична енергија. 

На 5то место како најголем извозник се најде МАКСТИЛ АД, компанија за леење на челик која своите производи ги пласира на странските пазари дури во висина од 88,6%.

Единствената компанија која што е домашна, а е дел од 10те најголеми извозници е ИГМ Трејд ДОО од Кавадарци. Компанијата има остварени приходи од 9,8 милијарди денари, а од нив 85,1% или 8,3 милијарди денари се од продажба во странство. 

Целосната анализа на овие 10 компании може да ја погледнете во табелата погоре, додека податоците за 200те најголеми и најуспешни се достапни тука.