Традицијата датира уште од далечната 1885 година кога е основана компанијата Тиквеш која до ден денешен продолжува со произведување на квалитетни вина од тиквешкиот регион со најсовремена технологија. 

Низ годините компанијата се соочува со разни предизвици, како од бизнис аспект така и од временските услови кои директно ја афектираат нивната специфична суровина, но сепак Тиквеш во времето пред Втората Светска Војна успева да изгради успешен и препознатлив бренд на Балканот и пошироко. Веќе до крајот на шеесеттите години на минатиот век, Тиквеш станува најголемата винарска визба во Југоисточна Европа, а кон крајот на следната деценија уште повеќе се зголемија капацитетите за сместување и одлежување на вината и беше изграден нов централен погон со автоматска линија за полнење.

Од почетокот на 2000тите години ВВ Тиквеш добива нов сопственик и оттогаш започнуваат обемни инвестиции за целосно модернизирање на винаријата и унапредување на процесите на производство. Па така, во 2008 година, брендот “Тиквеш” е прогласен за еден од 30те најиновативни вински брендови во светот. Денес, Тиквеш е светски познат производител на класични вина, но и на премиум вина, од кои некои имаат освоени и златни медали и други високи награди.

Сите овие години откако се издава 200 НАЈГОЛЕМИ И НАЈУСПЕШНИ, Тиквеш е дел од листите и постојано ги подобрува своите резултати. 2022 година и донесе на компанијата пораст на вкупните приходи од 40,5%, а на добивката пред оданочување од 26,5. Компанијата беше рангирана на 99то место на листата на најголеми и 76то место на листата на најуспешни компании. Повеќе за нив и нивните финансиски податоци низ годините, може да најдете тука.