Почетоците на компанијата се во 2000 година кога била основана под името Специјална болница по хируршки болести „Филип Втори“, а по 16 години болницата се префрла во нов, сопствен објект со многу поголем капацитет и тогаш го добива името Клиничка болница Жан Митрев под кое е позната и денес. 

Станува збор за софистициран, современ медицински центар кој располага со комплетни дијагностички процедури во повеќето медицински гранки и е еден од најпознатите во регионот. Од своето основање, болницата има добиено бројни награди и признанија, на национално и глобално ниво, кои само дополнително говорат за квалитетот на медицинските услуги и тимот кој делува под закрила на К.Б. Жан Митрев.

Главна цел на компанијата е да придонесе за подобрување на здравјето преку најдобра можна грижа за своите пациенти и посветеност од страна на медицинскиот персонал. 

200 НАЈГОЛЕМИ И НАЈУСПЕШНИ ја препознава и ја рангира како една од најголемите и најуспешните на пазарот уште од самите почетоци во 2003 година кога К.Б. Жан Митрев влегува на листата на најуспешни компании на 129то место со добивка од 19,2 милиони денари. Графиците прикажани подолу, ги прикажуваат движењата на вкупните приходи и добивката пред оданочување низ годините, заклучно со 2021 година. 

Може да се забележи и покрај одредени падови во некои од годините, сепак резултатите од работењето прикажуваат растечки тренд според двата критериуми, па така 2021 година компанијата ја заврши со 2 милијарди денари вкупен приход и 614,5 милиони денари добивка пред оданочување и рангирана како 104 најголема и 23 најуспешна компанија. Компанијата заклучно со декември 2021 година вработува 285 луѓе.