Во нашата едиција 200 НАЈГОЛЕМИ И НАЈУСПЕШНИ, АД Д-р Пановски се наоѓа на листите на најголемите и најуспешни компании во Македонија уште од првото издание, поточно уште од 2003та година. 

Во 2021 година, успеаа да го забележат 133то место на листата на најголеми компании (рангирани според вкупен приход) и 107то место на листата на најуспешни компании (рангирани според вкупната добивка пред оданочување). 

Остварија вкупен приход од 1.607.554.205 денари што е за 14,39% поголем од приходот остварен во 2020та година. Вкупната добивка пак, изнесува 133.401.464 што е исто така поголема од добивката остварена во 2020 година и тоа за 6,32%. 

Фокусот на АД Д-р Пановски е задоволување на потребите на пациентите преку пласирање на различни видови на безбедни и квалитетни медицински производи. Широкиот асортиман на медициснки производи со кои работи АД Д-р Пановски се должи на повеќегодишна добра соработка со голем број на светски реномирани производители од странство. 

Како лидер на македонскиот пазар од областа на здравството, АД Д-р Пановски ги поставува највисоките стандарди со својата професионалност, подготвеност, ефективност, и квалитет на производите и услугите што ги нуди, а се со цел унапредување на здравствениот систем во Р. С. Македонија и подобрување на здравјето на пациентите.