Алкалоид АД - Здравјето Пред Сè

За „Алкалоид“, постојана инспирација и стремеж е да го заштитат и да го сочуваат најскапоцен подарок на природата - здравото човечко тело. Со неуморна страст создаваат производи кои се синоним за врвен квалитет.

„Алкалоид“ AД Скопје е компанија која повеќе од осум децении работи на производство на лекови, преработка на билни суровини и на производство на козметички и на хемиски производи.

„Алкалоид“ АД е акционерско друштво, во чии рамки работат два профитни центри: Фармација и Хемија, козметика и билкарство. Има две подружници во земјава, 18 подружници и 2 претставништва во странство (во Србија, Црна Гора, Косово, Албанија, Босна и Херцеговина, Хрватска, Словенија, Швајцарија, Бугарија, Турција, Украина, Руска Федерација, САД и Велика Британија).

Друштвото брои 2.015 вработени во земјата и 604 вработени во подружниците и во претставништвата надвор од Македонија.

Акциите на „Алкалоид“ се во сопственост на над 5.000 акционери, физички и правни лица.

Нивната МИСИЈА е постојано да тежнеат кон поздрав свет, кон супериорен квалитет на производите и на услугите, како и кон висока професионалност и кон континуиран успех. Основна определба им е грижата за здравјето и за квалитетот на живот на секој човек, за системот на здравствена заштита и за животната средина. Тие континуирано се стремат да го унапредуват здравјето на луѓето, што се рефлектира преку нивното мото ЗДРАВЈЕТО ПРЕД СÈ.

Нивната ВИЗИЈА е „Алкалоид“, како глобално ориентирана компанија, да се стреми кон постигнување високи цели и дострели, кои ќе овозможат изразена конкурентност и пазарна позиција. Постојано се отворени за градење нови пазари и нови партнерства, а произведуваат и пласираат производи со највисок квалитет, применувајќи најсовремени технологии и деловни стандарди.

Алкалоид АД од 2010 година континуриано се дел од листата на најголемите и најуспешни компании во Македонија, а нивниот раст може да го погледнете ТУКА.