Алкалоид постои повеќе од осум и пол децении на пазарот, а денеска е организирана во форма на акционерско друштво со повеќе свои подружници во Македонија, но и во странство. 

Компанијата вработува околу 2000 лица во земјава и над 650 вработени во подружниците и претставништвата надвор од Македонија. Од тука гледаме дека станува збор за еден од гигантите на домашниот пазар, компанија која значително влијае врз формирањето на пазарните и бизнис текови. 

Главната цел и мисија на Алкалоид е да го зачува здравјето на луѓето, ставајќи го во центарот на вниманието како најскапоцено нешто што го има човекот. Меѓутоа, освен залагањата за човековото здравје и добросостојба, Алкалоид постојано и на многу начини покажува дека исто така за нив е важна и заштитата на животната средина како и одговорноста кон општеството. 

Корпоративната општествена одговорност претставува висок приоритет во корпоративната стратегија на Алкалоид АД кој стратегиски го интегрира овој аспект во целината на својот бизнис и имплементира активности и проекти кои значително ја помагаат и подобруваат нашата заедница.

“Свесни за влијанието што го имаме врз сите аспекти на општеството, и во согласност со политиката за општествена одговорност, нашата компанија, преку различни соработки, проекти и активности, постојано го потврдува своето изразено стратегиско определување за поддршка на сите сфери на општествен, економски, образовен, здравствен и културен живот во Македонија. Преку реализација на различни проекти, донации и активности, прилагодени на потребите на средината, безрезервно и постојано придонесуваме за подобрување, напредок и развој на заедницата во која живееме и работиме.”, Алкалоид АД, Скопје.

Алкалоид АД подеднакво се грижи и да ја зачува животната средина, преку следење на најнови достигнувања на ова поле, но и со постојано следење и контролирање на своите технолошки процеси со цел да се елиминираат или намалат нивните ефекти.