Првата дрогерија на dm е отворена уште во 1973 година во градот Карлсруе во Германија, а денес тој претставува репрезентативен ланец со повеќе од 3.765 дрогерии во 13 држави ширум Европа. На македонскиот пазар, првите дрогерии се отворија во 2012 година, а до денеска бројот достигна 20 продажни места во Скопје, Куманово, Тетово, Велес, Штип, Битола, Струмица, Гостивар и Охрид.

Ланецот dm со асортиман од речиси 14 000 производи, важи за место за купување се на едно место, почнувајќи од убавина, природна козметика, органска храна и додатоци во исхрана, лична хигиена, па се до производи за нега на бебиња, домаќинство и дезинфекција.

Со својата понуда од речиси 4.000 производи, dm е најголем понудувач на сопствени, добро познати трговски брендови (Balea, alverde, dmBio, babylove, Denkmit и други) кои гарантираат идентичен квалитет во сите 13 земји во кои делува компанијата.

Еден од сегментите по кој е познат dm е органската храна. Со понуда од над 300 производи во рамките на сопствената трговска марка за органска храна – dmBio, dm е најголем понудувач на органска храна на нашиот пазар и тоа по одлични цени.