Традиција, квалитет и иновација веќе две децении. Дием-ГП ДОО е македонска компанија со повеќедецениско искуство во преработката и производството на овошје и зеленчук. Со имплементирани меѓународни стандарди за квалитет (ISO 9001) и безбедност на храна (ISO 22000 и HACCP), компанијата успешно одговара на високите барања на потрошувачите на домашниот и меѓународниот пазар.

Баш Ајвар – Синоним за домашен вкус

Најпрепознатлив производ на Дием-ГП е Баш Ајвар – традиционален домашен рецепт спакуван со врвен квалитет. Тој е само дел од нивната широка палета од околу 80 производи, поделени во црвена, зелена и слатка линија, кои ги задоволуваат и најпребирливите вкусови.

Сопствен ланец на маркети

Компанијата управува со специјализиран ланец маркети од кои 7 во Скопје, 4 во Гевгелија и 1 во Битола каде се продаваат нивните производи, но и други комплементарни прехранбени артикли. Оваа стратегија овозможува директен контакт со потрошувачите и обезбедува конзистентно високо ниво на услуга и свежина.

Присуство на странски пазари

Дием-ГП не се задржува само на домашниот пазар, нивните производи се извезуваат во Србија, Босна и Херцеговина, Црна Гора, Хрватска, Словенија, Швајцарија, Австрија, Чешка, Канада, САД и Австралија. Тоа ја потврдува довербата и квалитетот препознаен надвор од границите на Македонија.

Финансиски резултати и раст

Во 2023 година, компанијата оствари вкупен приход од 1.163.584.849 денари и добивка пред оданочување од 108.256.356 денари. Растот на приходот изнесува 23,4%, а покрај растот на приход покажаа и раст на добивката од 7,82%. Со вакви резултати, Дием-ГП се рангираше на 195-то место по успех во рамки на најуспешните македонски компании за 2023 година, според листата 200 НАЈГОЛЕМИ И НАЈУСПЕШНИ.

Мисија и визија

„Преку врвниот квалитет на нашите производи, сакаме да ги задоволиме и најспецифичните желби, барања и вкусови на потрошувачите.“

Дием-ГП претставува успешна приказна за локален бренд кој го освојува светскиот пазар преку квалитет, одговорност и искрена соработка. Ако сè уште не сте ги пробале нивните производи – сега е вистинското време.