Вработеноста во нашата држава, како земја во развој, е една од позастапените теми во секојдневието и воедно е поле кое се соочува со мошне голем број предизвици. 

Едицијата 200 Најголеми и најуспешни секоја година ги анализира најдобрите компании и превзема податоци и за просечниот број на вработени кој тие компании го вработуваат. 200те најголеми и најуспешни компании се воедно и оние кои вработуваат најмногу луѓе.

Изготвивме една кратка анализа односно претставување на трендот, кој може да го видите на сликата подолу, по кој се движеше вработеноста во последните 10 години кај овие компании. Задоволувачки е фактот дека и покрај сé, бројот на вработени од година во година се зголемува и имаме растечки тренд. За жал, економската и енергетската криза кои земаа замав во последните две години, го земаат својот данок и од аспект на вработувањата, па така забележителен е благ пад на вкупниот просечен број на вработени кај 200те најголеми и најуспешни компании.