ЕУРО-ФАРМ – застапник за над 20 светски брендови од фармацевтската индустрија

Главна дејност на компанијата е трговија на големо со фармацевтски производи во Македонија и во регионот, но исто така делува и преку 122 аптеки на територијата на Македонија. Од 2019 година, Еуро – Фарм се проширува и на пазарот во Албанија. Денес, компанијата е застапник за повеќе од 20 светски брендови во фармацевтската индустрија.

Веќе од 2007 година, Еуро – Фарм се приклучува на Клубот на престижните со тоа што за прв пат се рангира на листата на 200 најуспешни компании и тоа 83то место. Успехот продолжува и понатаму низ годините па така во 2010 година компанијата влегува и во 200 најголеми според вкупен приход. На сликата подолу го прикажуваме патот на Еуро – Фарм во последните 10 години во однос на вкупниот приход кој го остварува и кој секоја година е во пораст.