Прва на листата на најголеми банки, со највисок остварен капитал и резерви во износ од 22,2 милијарди денари, е Стопанска Банка АД Скопје. По неа, на второ место е НЛБ Банка со остварени 15,57 милијарди денари капитал и резерви. Со многу мала разлика, третото место го зазема Комерцијална Банка, а нејзиниот капитал и резервите изнесуваа 15,55 милијарди денари.

Потоа следи Халк Банка со 13,4 милијарди денари остварен капитал, а на петтото место е Шпаркасе Банка која оствари 10,7 милијарди денари капитал. 

Во поглед на добивката пред оданочување која ја остварија финансиските субјекти, имаме малку различна целокупна слика, но сепак првата петорка останува иста. 

Имено, првото место како најуспешна банка го зазема НЛБ Банка со остварена добивка од 2,68 милијарди денари. Потоа е Стопанска Банка со  2,62 милијарди денари добивка на второто место. Третото место и на оваа листа, како и на претходната, го зазема Комерцијална Банка си добивка од 2,3 милијарди денари. Шпаркасе Банка се најде на четвртото место со 1,1 милијарда денари добивка, а Халк Банка е петта најуспешна банка со 800 милиони денари остварен профит во 2022 година. 

Листите за најголемите и најуспешните банки се прикажани на сликите, додека целосните податоци за сите субјекти може да ги најдете тука.