Финансиските резултати на банките во периодот од 2018 до 2022 година

Банкарскиот сектор во Македонија во глобала е непроменет во изминатите пет години. Единствените промени кои настанаа во поглед на банките кои делуваат на пазарот е припојувањето на Охридска банка кон Шпаркасе банка во 2020 година, како и прекин на делувањето на Еуростандард банка која неколку години беше во стечај.

Во 2022 година на банкарскиот пазар има 13 активни банки кои работат со физички и правни лица. Во овој анализиран период, четирите најголеми банки остануваат непроменети и речиси со исти рангови во секоја година. Тука се Стопанска Банка АД Скопје, Комерцијална Банка АД Скопје, НЛБ Банка АД Скопје и Халк Банка АД Скопје.

Од прикажаните податоци на графикот во текстот подолу, може да се забележи дека вкупниот капитал и резерви во 2018 година изнесуваче 63,1 милијарда денари и оттогаш секоја година се зголемуваат. Најголемото зголемување е во 2022 година, кога банките реализирале 93,5 милијарди денари во капитал и резерви или 13,16% повеќе од претходната година.

Што се однесува до остварената добивка пред оданочување, тука има и надолни движења, во 2019 и 2020 кога вкупната добивка се намалила за 10,9% и 8,6%. Во 2021 година има пораст од 26,6%, додека во 2022 има значително зголемување од 199,78% и тогаш вкупната добивка изнесувала 30,1 милијарда денари.

Во поглед, пак, на бројот на вработени, за жал трендот е опаѓачки и секоја година се помалку луѓе се вработени во овие институции. Почнувајќи со 5763 лица во2018 година, банкарскиот сектор 2022ра ја заврши со 5,9% помалку вработени лица или 5424.

Повеќе податоци за банките и нивните финансиски резултати низ годините може да најдете тука.