Тука ги гледаме компаниите кои оствариле најголем раст на добивката пред оданочување во 2022 спрема 2018 година. 

Во овој текст ги споделуваме 50те компании кои оствариле најголем пораст на добивката, а се дел од листата на 200 најуспешни компании. 

Прва на листата е Еко Лајф ДООЕЛ од Скопје со пораст на добивката од дури 58.386,56%.Оваа компанија во 2022 година се рангираше како 181ва на листата на најуспешни, а се занимава со производство на пелети од дрво како една од поновите опции за огрев. Потоа следи добро познатата Макстил АД, исто така од Скопје со 18.297,88% пораст. Макстил е 12та најуспешна компанија во 2022 година, а работи во дејноста на црната металургија.  Трета на листата и 168ма најуспешна компанија е Супериор Диспеч Сервис ДООЕЛ од Штип со пораст од 16.620,06%. Главна дејност на компанијата се диспечерски услуги. Веднаш после неа е РКМ ДОО од Скопје чија дејност е трговија на големо со горива. Оваа компанија има 12.296,19% зголемена добивка и ранг на 37мото место. Додека 5тата позиција на оваа листа ја зазема градежната компанија Ако Градба од Гостивар со 9.608,38% поголема добивка, а на листата на најуспешни се најде на 53томесто.

Целосната листа ја прикажуваме во табелата во прилог, а сите податоци за компаниите и повеќе информации за нив, може да погледнете тука.