Компаниите вкупно оствариле нешто повеќе од 47 милијарди евра приход. Најголем приход има остварено Петрол ДД  од Љубљана, во износ од 7,9 милијарди евра. Од прикажаната листа забележително е дека најголем дел од компаниите, односно дури 50%, се лоцирани во Љубљана, а остварениот приход од страна на овие компании е дури 30,8 милијарди евра, што е повеќе од половина од вкупно остварениот од страна на сите 50 компании. 

Втора на листата е Холдинг Словенске Електране ДОО за снабдување со електрична енергија, гас и пареа, со вкупно остварен приход од 5,6 милијарди евра. По неа следи Ген-и Трговија и Продажба на енергија која се занимава со истата дејност и има остварено приходи од 4,4 милијарди евра. Станува збор за компанија која исто така е присутна и на македонскиот пазар со свое претставништво.

Белектрон ДОО и Горење ДОО се на четвртото и петтото место на листата, со приходи од 3,2 и 2,3 милијарди евра. Шестото и седмото место го завземаат две фармацевтски компании со остварен приближен приход од околу 1,7 милијарди евра поединечно, односно тоа се Крка ДД и Лек ДД. 

По нив, со 1,5 милијарди евра е Геоплин ДОО, компанија за трговија и транспорт на природен гас. Последните две места од првата десетка на најголеми компании се заземени од Импол ДОО чија дејност е од металопреработувачката индустрија и Пословни систем Меркатор која се занимава со малопродажба во неспецијализирани продавници. Двете компании имаат остварени приходи од по 1,3 милијарди евра. 

Целосната листа и податоците погледнете ги во табелата, а подетално за компаниите од 200 НАЈГОЛЕМИ И НАЈУСПЕШНИ прочитајте тука.