Кромберг и Шуберт Македонија Бт ДООЕЛ Битола – најголем работодавец на македонскиот пазар од 2018 година.

Кромберг и Шуберт е глобална индустриска групација која влезе на македонскиот пазар во 2012 година и оттогаш влијанието на оваа компанија во намалување на стапката на невработеност е од огромно значење за домашната економија.

Првичните најави на компанијата беа дека до крајот на 2015 година ќе бидат вработени 3500 луѓе. Иако оваа бројка не се исполни во планираниот период, сепак бројот на вработени до крајот на 2019 година достигна речиси двојно повеќе од планираното.

Неколку години наназад, односно од 2018 година, Кромберг и Шуберт го завземаат првото место како најголеми работодавци во Македонија и успешно го оддржуваат својот бизнис, задржувајќи се меѓу 10те најголеми фирми.

За жал, како последица на КОВИД-19 пандемијата и кризата која таа ја предизвика, затварањата на фабриките и прекинот на производство во 2020 година, компанијата беше принудена привремено да го намали бројот на вработени за одреден процент. Сепак, и покрај ова, Кромберг и Шуберт и понатаму останува убедливо најголем работодавец на нашиот пазар со над 5500 вработени. 

Погледнете кои компании се најдоа на листата на најголеми работодавци за 2020 година ТУКА.