Клуб 200 - МЕРМЕРЕН КОМБИНАТ АД Прилеп, глобален лидер во екстракцијата и преработка на снежно бел мермер

Новости

31-05-2023

МЕРМЕРЕН КОМБИНАТ АД Прилеп, глобален лидер во екстракцијата и преработка на снежно бел мермер

МЕРМЕРЕН КОМБИНАТ АД Прилеп се наоѓа а листитa на 200 НАЈГОЛЕМИ и НАЈУСПЕШНИ уште од првото издание на едицијата, поточно уште од 2003та година.

Компанијата работи со околу 30% од концесиската површина од 2,19 км2, што ја прави најголемата површина за ископ на бел мермер во светот.

Сивец ® е регистрирана трговска марка на ситно-грануларен доломитски мермер кој се вади од каменоломите на компанијата. Внимателно разработената комерцијална мрежа и близината до пристаништето во Солун, кое се користи како главен логистички центар, овозможуваат за дистрибуција на Сивец®-от на сите континенти.

За 2022 во Македонија успеаа да го забележат 146то место на листата на НАЈГОЛЕМИ и 19то место на листата на НАЈУСПЕШНИ компании.

Погоните за преработка во кои се преработува суровиот материјал од рудникот Сивец®, се лоцирани во градот Прилеп. Вкупната површина на фабриката зафаќа 65.000 м2, вклучувајќи и големи магацини за складирање на финални производи. Табли и плочки, полирани и неполирани во сите димензии, како и обработен гранулат, буња и изработени по порачка производи на CNC машините се само дел од производите кои можат да бидат произведени во фабриката.

Сивец® мермерот е одбран да го даде карактеристичниот и ексклузивно бел изглед на многу големи и добро познати проекти – неверојатни уметнички дела, како што е величенствената Голема Џамија на Шеик Заед во Абу Даби. Како еден од последните големи и значајни проекти од светски рамки во кои е имплементиран Сивец®-от на Мермерен Комбинат е величенствениот Vendome Mall во Катар каде нивниот мермер е употребен на површина од 80.000 м².