Отворен нов Тренинг центар на Инграм Микро Македонија

Тренинг центарот опфаќа повеќе курсеви од клучни области од технологијата, како што се Check Point, Veeam, Veritas, VMWare, Kaspersky, Radware и IBM, а кои се дизајнирани за надградување и усовршување на знаењето на посетителите кои понатака ќе го применуваат во дигиталниот свет.

Во Тренинг центарот лицата имаат целосна поддршка при изборот на соодветен курс согласно потребите на поединците, а самите обуки се спроведуваат од вработените во Инграм Микро, врвни професионалци со долгогодишно искуство во полето на работење.

„Од самото основање сме позиционирани како лидери за технологија и логистика, а нашиот успех се темели на постојаните иновации, врвниот кадар и желбата за постојан напредок, а тоа се докажува со нашето дејствување во над 160 земји ширум светот. Новиот Тренинг центар во Скопје е само уште еден доказ за нашиот стремеж кон постојано проширување, а мене лично особено ме радува проширувањето во земјава и регионот“, вели Филип Силјановски, генералниот менаџер на „Инграм Микро“ за Северна Македонија, Албанија и Косово.

Овој Тренинг центар е од големо значење за дигиталната и ИТ заедницата во Македонија и можност за значителен напредок на поединците на ова поле, токму поради фактот дека доаѓа од една иновативна компанија - предводник на трендови во дигиталниот свет. 

Инаку, Инграм Микро е американска компанија која во Македонија е основана во 2015 година и нуди системски решенија за бизнисите. Значителен придонес кон функционирањето на компаниите имаше во периодот на Ковид19 кога секојдневните обврски во сите индустрии беа отежнати.

Во 200 НАЈГОЛЕМИ И НАЈУСПЕШНИ за прв пат се рангираше во 2021 година како 164та најголема компанија со остварен вкупен приход од 1,4 милијарди денари, додека во 2022 вкупните приходи се зголемија за 25,3% на 1.8 милијарди денари. Повеќе за компанијата и нејзините финансиски резултати може да прочитате тука.