На нашата листа на 200 најголеми и најуспешни компании се наоѓаат уште од првото издание на едицијата, поточно уште од 2003та година.

За 2022 година го забележаа 46 место на листата на најголеми (рангирани според вкупниот приход) и 12 место на листата на најуспешни компании (рангирани според вкупната добивка пред оданочување) во Македонија. 

Можеме да приметиме дека забележуваат исклучително значаен раст во нивниот вкупен приход. Имено, истиот во споредба со минатата година им е зголемен за 24,5%, додека пак растот во добивката е прикажан со 0.88%, со што ја потврдуваат и зацврстуваат својата позиција на пазарот уште една година. 

Во изминатата деценија, па сè до денес Пивара Скопје континуирано го унапредува своето работење во сите сегменти при тоа одржувајќи највисоко ниво на квалитет на своите брендови.

Пивара Скопје одбележала четврт век континуирани највисоки признанија на Monde Selection за квалитетот на СКОПСКО, највисоки признанија за најдобар индекс на квалитет за  Coca-Cola, иновирање на портфолиото со збогатување на нови брендови, вкусови и пакувања.

Во чест на својата 100-годишнина, Пивара Скопје, заедно со своите вработени, ја одбележа реализацијата на нови инвестиции од 10,7 милиони евра во современа опрема и најсовремена технологија, што овозможува понатамошна модернизација на компанијата и го поддржува нејзиниот долгорочен одржлив развој.

Пивара Скопје основа свој „Искусен центар“, интерактивен центар во рамките на капацитетите на компанијата, со цел да им овозможи на посетителите да патуваат низ 100-годишната историја и преку нивното активно вклучување да ја видат магијата на пивото.

Во своите капацитети содржат 5 основни пивски брендови и 22 осовни брендови на безалкохолни пијалаци. Просечниот број на вработени во ПИВАРА во 2022 изнесувал 391 лице. Исто така во соработка се со повеќе од 1000 локални добавувачи кои се дел од нивниот синџир на набавка. Т

имот на ПИВАРА Скопје се води по 4 основни карактеристики за одржливост и развој, а тоа се:

• Купувачот на прво место
• "Ние" пред "јас"
• Одржливост
• Едноставност