ПУЦКО ПЕТРОЛ – национална компанија за големопродажба и малопродажба на нафта, нафтени продукти и горива за транспорт

Пуцко Петрол ДООЕЛ е компанија која се наоѓа на листата на 200 НАЈГОЛЕМИ И НАЈУСПЕШНИ 19 години по ред, започнувајќи од 2003 година. Исклучок преставува само 2014 година каде што не можеме да ги забележиме на листата. Компанијата е основана со седиште во с. Пласница и нејзината основна деловна активност е трговијата со големопродажба и малопродажба на нафта, нафтени продукти и горива за транспорт и веќе е докажан бренд во нејзиното поле, првенствено поради високиот квалитет на горивото и одличната услуга кон клиентите. 

Моментално компанијата соработува со над 1500 успешни компании кои ги користат нивните производи и услуги врз основа на договори за соработка, вклучувајќи лојалност, доверливост, сигурен извор на понуда и квалитет. Значаен дел од референтната листа се државните служби, јавните комунални претпријатија и Министерството за внатрешни работи, Армијата на Република С. Македонија, универзитети, средни и основни училишта, детски градинки, приватни големи, мали и средни претпријатија, дипломатски и конзуларни претставништва (Амбасада на Обединетите држави, Амбасадата на Република Турција, Амбасадата на Холандија и сл.), која во последниве години довела до уверување дека компанијата има плодна соработка врз основа на квалитетот и усогласеноста на договорот.

За 2021 година рангирани се на 72 место на НАЈГОЛЕМИ компании и 50 место на НАЈУСПЕШНИ компании во Македонија. Со тоа забележуваат раст од 14 места на листата на НАЈГОЛЕМИ и 10 места на листата на НАЈУСПЕШНИ во споредба со 2020 година. Последователно на тоа Пуцко Петрол ДООЕЛ забележува раст во вкупните приходи од 40.5% и во добивката пред оданочување од 39.5%, што претставува исклучителен успех во време на светска економска криза.

Нивната визија е да бидат најдобра и најголема нафтена компанија на Балканот која ќе ги задоволи сите потреби и желби на потрошувачите на економичен, безбеден и еколошки начин на транспорт.

Моментално располагаат со 11 бензиски станици на територијата на Македонија (заедно со ОКТА), а компанијата брои вкупно 183 вработени.