Споредба на 10те најголеми компании во Македонија, Словенија и Хрватска

Анализата која ја претставуваме подолу низ табели и графикони ги споредува 10те најголеми компании од земјите и нивниот вкупен приход за 2021 година.

Забележуваме воочлива разлика помеѓу вкупниот приход помеѓу земјите, како поединечно по рангови така и на збирната сума. Македонија и покрај тоа што има многу висок приход кај првата компанија, сепак останува како најмала односно компаниите имаат остварено многу пониски приходи во однос на компаниите од Словенија и Хрватска. 

Низ бројки, најголемата компанија во Македонија има остварено приход од 2.079.781.011 евра додека најголемата компанија во Словенија има 3.858.604.894 евра, што е за 85,53% повеќе. Помала е разликата во однос на Хрватска каде најголемата компанија има остварено приход од 2.972.376.883 евра или во проценти 42,92% повеќе од Македонија.

Доколку ја погледнеме вкупната разлика, првите 10 компании од Словенија имаат генерирано приход од 20.993.614.060 евра, што е за 369% повеќе од генерираниот приход од страна на 10те најголеми компании во Македонија. Со Хрватска разликата е 194,7%, а нивниот вкупно генериран приход е 13.191.585.936 евра. 

Словенија е исто така поголема и од Хрватска, а разликата во вкупно генерираните приходи е 59,14% во полза на Словенија.