За свет кој што е постојано во движење! - Технокомерц АД

Технокомерц АД Скопје е компанија со основна дејност трговија со градежни машини и опрема, гуми за товарни возила, индустриски гуми, акумулатори, филтри, лубриканти и резервни делови за градежни машини и теретни возила.

Компанијата е официјален застапник на брендовите на градежни машини LiuGong и Dressta, на брендовите на TBR и OTR гуми Triangle и Hankook и на брендот за градежна и индустриска опрема Atlas Copco, а исто така е и сопственик на ланецот на салони за гуми Stop&Go. Најново во палетата на Технокомерц е тоа што во 2020 година го носи Renault Trucks во Македонија и станува официјален дилер и сервисер на Renault Trucks во државата, со свој продажно-сервисен центар во Скопје.

Основана е во 1972 година и оттогаш напорно работи на проширување на компанијата и збогатување на палетата на производи и услуги кои ги нуди на пазарот.

Јубилејот од 50 години постоење, Технокомерц го одбележа со одлични резултати и рангирање помеѓу 200те најуспешни компании во Македонија според добивката пред оданочување за претходната 2021 година која изнесуваше 116.777.665 милиони денари. Растот на добивката од 1770.5% ја донесе компанијата на високото 127 место на листата на најуспешни. Вкупниот приход кој го оствари оваа компанија во 2021 година изнесува 813.517.293 милиони денари, а бројот на вработени на крајот на декември 2021 беше 61 вработен.