Во време кога телекомуникациските компании играат сè поважна улога во секојдневниот живот, нивната одговорност не завршува со обезбедување квалитетни услуги. Сѐ поголемо значење добива начинот на кој тие го користат својот општествен импакт за поддршка на теми од јавен интерес.

Според податоците од изданието 200 Најголеми и Најуспешни, базирано на финансиските резултати за 2024 година, А1 Македонија се наоѓа на 18 место според приход и на 11 место според добивка пред оданочување. Компанијата остварила приход од 10,6 милијарди денари и добивка од над 1,3 милијарди денари.

Покрај финансиските резултати, А1 Македонија во изминатиот период се истакна и со националната општествено одговорна кампања „Одговорно со технологијата“, реализирана во партнерство со Министерството за внатрешни работи.

Кампањата отвори тема која станува сè поактуелна во дигиталното време – користењето мобилни телефони и дигиталната дистракција во сообраќајот. Со силната порака дека ниту една нотификација или телефонски повик не вреди повеќе од човечкиот живот, иницијативата привлече големо внимание во јавноста и отвори широка дебата за безбедноста во сообраќајот.

Особено значајно е што иницијативата не беше насочена само кон возачите, туку и кон пешаците, велосипедистите и корисниците на електрични тротинети, препознавајќи дека одговорноста во сообраќајот е заедничка.

Успехот на кампањата се потврди и преку големиот интерес кај јавноста, со десетици илјади интеракции и широка медиумска видливост. Тоа покажува дека компаниите со голем општествен досег можат да играат важна улога во подигнувањето на јавната свест за теми кои директно влијаат врз квалитетот на животот.

Примерот на А1 Македонија покажува дека телекомуникацискиот сектор не е само двигател на дигиталната трансформација, туку може да биде и активен партнер во решавањето на општествените предизвици преку одговорни и влијателни иницијативи.