АД Македонски Телеком е лидер во телекомуникацискиот сектор во Северна Македонија, препознатлив по својата посветеност на нашиот пазар да ги носи иновациите и најновата технологија со што на своите корисници им обезбедува најквалитетни услуги на пазарот.

Македонски Телеком е водечки национален телекомуникациски оператор, којшто е дел од Групацијата Дојче Телеком од 2001 година.

Компанијата ги обезбедува следните услуги за приватни и деловни корисници:

• говорни и податочни услуги преку мобилна и фиксна мрежа,
• интернет услуги,
• конвергентни услуги,
• дигитална телевизија и
• напредни Cloud и ИКТ решенија.

Во своето долгогодишно постоење, Македонски Телеком се изгради и се позиционираше во компанија којашто ја предводи дигитализацијата на општеството и креира одржливи вредности за сите.

Македонски Телеком на високото трето место на листата на најуспешни компании во Македонија

Во 2023 година компанијата се најде на 14. место на ранг листата на најголемите македонски компании и на 3. место на ранг листата на најуспешните македонски компании.

Со релативно мал број на вработени, околу 899, АД Маедонски Телеком се покажа како мошне ефикасна компанија која успеа во 2023 година да оствари вкупен приход од 12.044.142.319 денари и добивка пред оданочување од 2.498.945.718 денари, или процентуално за 1,84% повеќе во споредба со претходната година.

Со овие бројки компанијата и понатаму продолжи да остварува континуиран раст и напредок, што во голема мера се должи и на иновативните процеси и воведувањето на нова технологија на македонскиот пазар и за македонските корисници.

5G мрежа за уште побрз интернет

Неопходен предуслов за дигитализацијата на едно општество е напредна, стабилна и докажана мрежна инфраструктура и инвестиции во најновите технологии.

Во тој контекст Македонски Телеком, со години наназад посветено работи на изградба на најдобрата мрежа во Македонија и секогаш прв ги воведува најновите технологии на пазарот.

Доказ за ваквата посветеност е и тоа што АД Македонски Телеком ја пушти првата комерцијална 5G мрежа и го покри поголемиот дел од урбаните области со технологијата од најновата генерација.

Како што наведуваат од компанијата, подготовките за воведување на 5G технологијата започнале во 2018 година со првата лабораториска демонстрација на 5G, а во 2019 година Македонски Телеком ја постави првата реална тестна мрежа преку којашто се постигнаа брзини на пренос на податоци од 1Gbps, десет пати поголеми од 4G.

Изградбата на мрежата започна во април 2021 година, а веќе во февруари 2022 година, компанијата можеше да се пофали дека ja пушти во употреба првата комерцијална 5G мрежа во Македонија и овозможи користење на 5G услуги паралелно и во комбинација со 4G, со напредна технологија за динамично користење на постојните радиофреквенции.

„За само година и половина ја изградивме првата и најголема 5G мрежа во Македонија, сè со цел да им овозможиме пристап до оваа технологија на што повеќе корисници и да овозможиме развој на досега невидени услуги, соодветни на новото дигитално време“ – нагласија тогаш од компанијата.

„Големите брзини и капацитети на новата 5G мрежа донесоа револуција во корисничкото искуство, молскавично брзо споделување содржини и мала латенција во комуникацијата.

Оваа технологија ќе биде движечка сила за развојот на нови фукционалности и досега невидени услуги и производи коишто ќе ни го поедностават и подобрат животот во сите сфери.

Користењето на сите напредни функционалности од оваа мрежа ќе се одвива постепено во текот на наредните години, заедно со растот на можностите на новите технологии.

Паралелно со мобилната, компанијата континуирано работи и на развој на оптичката мрежа, а бројот на оптички пристапи постојано расте.

Остануваме посветени на развојот на мрежата и најновите технологии за да обезбедиме постојана комуникација и поврзаност на сите корисници“ – нагласуваат од компанијата.

Ваквата посветеност во работењето и воведувањето на нови технологии се можеби главната причина зошто АД Македонски Телеком и понатаму останува доверлив партнер како за приватните, така и за бизнис корисниците.

Компанијата со години наназад работи на креирање иновативни, сигурни, едноставни производи и решенија за поефикасна дигитална трансформација, раст и развој.

Благодарение на големиот број ИКТ и паметни решенија, но и за безбедноста на податоците, АД Македонски Телеком останува сигурен и доверлив партнер на бизнис заедницата во новото дигитално доба.

Со оглед на ваквите резултати и довербата која што ја креира кај своите корисници, воопшто не е чудно што компанијата во последните години постојано бележи раст и цврсто ја држи позицијата меѓу првите десет најуспешни компании во Северна Македонија.

Во 2023 година, компанијата забележа скок од 3 места на ранг листата на најуспешните македонски компании и се искачи на високото 3. место.

АД Македонски Телеком со години наназад е дел од семејството на 200 НАЈГОЛЕМИ И НАЈУСПЕШНИ компании. Профилот на компанијата може да го погледнете на следниот ЛИНК.