Актива: Креираме нови вредности во градежништвото

Актива е компанија која се занимава со градежништво, услуги за проектирање и производство на челични конструкции и производство на метални компоненти за автомобилска индустрија, железница и друга индустриска опрема.

На пазарот постои 25 години, а исто така е дел и од 200те најголеми и најуспешни компании веќе 10 години.

Прв пат на листите се појави во 2013 година како 65та најуспешна и 90та најголема компанија со остварена добивка пред оданочување од 108,5 милиони денари и вкупен приход од 1,2 милијарди денари. Во однос на претходната година ова значеше пораст од 4637,29% на добивката и 178,12% на вкупниот приход. Во тоа време компанијата броеше нешто повеќе од 200 вработени.

Низ годините се забележува пораст на финансиските резултати на компанијата и покрај неколкуте години во кои има намалување. Сепак трендот и за двете варијабли е растечки што покажува дека компанијата работи позитивно.

Во последните три години е видливо зголемување и на добивката и на вкупните приходи, а значително зголемување може да се забележи во 2022 година кога вкупните приходи беа зголемени за дури 52,72% и изнесуваа 2,3 милијарди денари. Во 2022 година компанијата се рангираше како 121ва најголема компанија и 133 најуспешна со остварена добивка пред оданочување од 133 милиони денари.

Во однос на бројот на вработени исто така е забележано зголемување и тоа за 170% во однос на 2013 година, а компанијата ја заврши 2022 година со 549 вработени. Повеќе информации и податоци за Актива може да најдете на нивниот профил.