Како што ни покажува и табелата од текстот подолу, најголем маркет за 2022 година беше КАМ Маркет, рангиран на 10тото место според остварен вкупен приход од 14,3 милијарди денари. Неговата добивка пред оданочување изнесуваше 313,4 милиони денари и со тоа КАМ го зазема 49тото место на листата на најуспешни компании. 

Второто место според големина, во рамките на оваа дејност, го зазема Кипер маркет со 8,4 милијарди денари вкупен приход. Што се однесува до најуспешните, Киппер и тука ја задржа својата присутност и се рангираше на 69тото место според добивката од 221,2 милиони денари. 

Понатаму, на трето место се најде Стокомак со 7,4 милијарди денари приход, што ја рангираше компанијата на 35тото место на листата на најголеми, а добивката од 218,5 милиони денари ја позиционираше како 70та најуспешна компанија. 

Тинекс оствари 6,1 милијарда денари вкупни приходи и со тоа се најде на 48то место меѓу најголемите компании. По него следи Веро, рангирана на 50то место на најголеми компании со вкупен приход од 5,6 милијарди денари и на 26то место на најуспешни со добивка од 602,7 милиони денари. Оваа добивка ја искачи компанијата на прво место како најуспешна компанија во рамките на дејноста. 

Кит-Го е 61ва најголема и 97ма најуспешна компанија со остварен приход од 4,8 милијарди денари и 174,8 милиони денари добивка пред оданочување. По нив се Жито маркети со 3,9 милијарди денари приход и 23,5 милиони денари добивка, рангирани како 73та најголема компанија. 

Следи Рамсторе Македонија со 3,6 милијарди вкупен приход и 46,5 милиони добивка пред оданочување, рангирана на 76тото место меѓу најголемите компании. 

Последното место од компаниите во оваа дејност го зазема Грандпром-Зур маркетот со 1,8 милијарди приходи и 37,5 милиони денари добивка пред оданочување. Компанијата е рангирана на 155то место на листата на најуспешни. 

Повеќе податоци за сите компании може да најдете на овој линк.