Со 30 годишна историја зад себе, Даути Комерц денес важи за моќен бизнис кој нуди квалитетни услуги, а извезува производи во речиси цела Европа. Портфолиото, пак, на производи кои ги нуди Даути, доаѓаат од 82 земји низ целиот свет.

Како една од најмоќните и најпознатите фирми во Македонија, Даути се вбројува и во најголемите и најуспешните компании и тоа уште од 2003 година кога за прв пат беа објавени вакви ранг листи за компаниите. 

Со приход од 348 милиони денари во 2003 година, Даути влегува на листата на најголеми компании како 156та. Полека, но сигурно, низ годините Даути го зајакнува своето присуство и го зголемува својот успех, а во 2010 година влегува и на листата на најуспешни компании со остварена добивка пред оданочување од 48 милиони денари. Во споредба со претходната година, добивката бележи значително зголемување од дури 344,56% и со тоа Даути заврши како 119та најуспешна компанија.

Со постојан растечки тренд на приходот, од 2009 година Даути се најде и помеѓу 100те најголеми компании и тука останува до денеска. Во 2022 година беше рангирана на 75то место со вкупен приход од 3,7 милијарди денари, односно 20,37% поголем приход од 2021 година. Воедно ова е годината во која Даути го постигна најголемиот износ на вкупен приход во анализираниот период. 

Што се однесува до добивката, највисоката добивка е остварена во 2021 година во износ од 131,9 милиони денари или 45,09% повеќе од 2020 година. Во 2022 компанијата го зазема 169то место на листата на најуспешни. 

Бројот на вработени во компанијата беше 50 луѓе во 2003 година, а сега е веќе зголемен седумкратно и достигна бројка од 361 лице.

Повеќе информации и податоци за компанијата се достапни на нивниот профил, а целосните листи од 200 НАЈГОЛЕМИ И НАЈУСПЕШНИ најдете ги тука.